Thursday, May 26, 2022
spot_imgspot_imgspot_imgspot_img

Latest Posts

Final Four i Ligës Unike në Pejë: Organizatorët premtojnë spektakël

Ministria e Infrastrukturës dhe Energjisë u shpreh sot se kanë përfunduar punimet për rrugën e re që lidhë bypass-in e Fierit me Parkun Arkeologjik të Apolonisë në jug të vendit. 

Në një njoftim në rrjetet sociale, ministria ka shtuar se tashmë rruga është e hapur për të gjithë përdoruesit dhe vecaniërisht për vizitorët e parkut të Apolonisë.

Apolonia ndodhet 12 kilometra larg qytetit të Fierit. Emrin qyteti e mori për nder të perëndisë Apolon.

Ndër 24 qytete në të gjithë botën mesdhetare që mbanin këtë emër në Antikitet, Apolonia e Ilirisë ishte më e rëndësishmja dhe luajti një rol të madh si ndërmjetëse tregtare mes helenëve dhe ilirëve.

Arkeologët e quajnë Apoloninë “Pompei i Shqipërisë”, pasi vetëm 10% e territorit të qytetit të dikurshëm është zbuluar deri më sot.

Themeluar rreth fillimit të shek. të IV para erës së re, gërmadhat e Apolonisë u zbuluan në fillim të shek. XIX.

Nga shekujt e parë të jetës së qytetit ruhen disa mbetje të murit mbrojtës dhe të një tempulli arkaik kushtuar Artemisit, hyjneshës më të adhuruar të apoloniatëve.

Territori i madh i mbuluar me monumente, panoramat dhe peizazhet e mrekullueshme mbi fushën e Myzeqesë dhe Detin Adriatik nga njëra anë si dhe pozita e favorshme gjeografike pranë qyteteve të mëdha dhe plazheve të jugut nga ana tjetër e bëjnë Parkun Arkeologjik të Apolonisë lehtësisht të arritshëm për vizitorin dhe një destinacion të privilegjuar për turizmin kulturor në Shqipëri. 

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.