Tuesday, November 29, 2022
spot_imgspot_imgspot_imgspot_img

Latest Posts

Forcohet dollari, bie euro

Dollari u forcua kundrejt monedhave kryesore sot pasi një rritje e rasteve të Covid-19 në Kinë çoi në ri-vendosjen e kufizimeve të ashpra atje dhe dëmtoi ndjenjën e investitorëve në tregje. Rastet e reja të koronës në Kinë kanë minuar shpresat se qeveria në Pekin së shpejti mund të lehtësojë masat kufizuese. Kjo ka nxitur forcimin e dollarit, i cili konsiderohet një strehë e sigurt në kohë të trazuara.

Indeksi i dollarit, i cili gjurmon vlerën e monedhës amerikane kundrejt një shporte rivalësh, ka rënë me më shumë se 6% nga niveli më i lartë 20-vjeçar në tetor, por po tregtohet sot 12% më i lartë se një vit më parë. Dollari u rrit 0.98% kundrejt jenit japonez në 141.75 jen, niveli i tij më i lartë që nga 11 nëntori. Në të njëjtën kohë, euro ra me 0.83% në 1.024 dollarë. Juani kinez ra në nivelin më të ulët që nga 11 nëntori me 7,1708 juanë për dollar në shkëmbimet kontinentale të vendit.

Në tregjet e tjera të monedhës, kriptovalutat mbetën nën presion, me bitcoin që u fundos 1.1% në 16,078 dollarë. Crypto Exchange FTX i detyrohet afro 3.1 miliardë dollarë 50 kreditorëve kryesorë, sipas dosjeve të falimentimit. Sipas të dhënave më të fundit nga bursa, funta britanike po tregtohej në nivelin 1182 dollarë, duke rënë me 0.58% në nivel ditor. Dollari australian ra 0.79% kundrejt rivalit të tij amerikan në 0.662 dollarë, ndërsa dollari i Zelandës së Re u dobësua me 0.53% në 0.612 dollarë.

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.