Wednesday, December 7, 2022
spot_imgspot_imgspot_imgspot_img

Latest Posts

“Go Green” mbledh sërish propozime-eko të të rinjve për komuna të gjelbra

Shkup, 3 tetor – Të gjithë të rinjtë që dëshirojnë të jenë pjesë e ndryshimit të ekologjisë së gjelbër, të paraqesin propozim që komuna e tyre të bëhet më e gjelbër dhe më ekologjike, apelon shoqata “Go Green” – Shkup, e cila për herë të dytë mbledh kërkesat e të rinjve për komuna të gjelbra.

“Rinia nuk është e përfaqësuar në komuna dhe ende nuk janë formuar këshillat rinore lokale në shumicën e rasteve – organe që duhet të mbrojnë interesat e rinisë. Nëpërmjet këtij procesi, ne përcjellim zërin dhe nevojat e të rinjve në komunën e tyre. Le të dëgjohen. Kriza klimatike me të cilën po përballemi kërkon veprim urgjent dhe çdo gjë e bërë me vonesë mund të na kushtojë më shumë. Prandaj është e rëndësishme që këto ndryshime të vijnë nga komunitetet tuaja dhe prej andej të ngrihemi për të zgjidhur sfidën globale”, thekson shoqata “Go Green”.

Sipas Arta Qerimit, koordinatore e projektit, aktivistët e “Go Green” krijuan kërkesa të të rinjve për gjashtë komuna të gjelbra, të cilat më vonë u nënshkruan me sukses nga 18 kandidatë për kryetarë të gjashtë komunave në formën e memorandumit të bashkëpunimit.

“Go Green” beson se duke krijuar dhe demonstruar praktika të mira midis pushteteve vendore dhe të rinjve për tema lokale që lidhen me mbrojtjen e mjedisit dhe ndryshimet klimatike, forcohet demokracia dhe përfshirja e të rinjve në vendimmarrje.

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.