Monday, February 6, 2023
spot_imgspot_imgspot_imgspot_img

Latest Posts

Hetim komisionerit të zgjerimit/ Parlamenti europian akuzone Oliver Verhelyi për mbështetje ndaj Serbisë

Deputetë të Parlamentit Evropian kërkuan një hetim ndaj komisionerit të zgjerimit Oliver Varheli, duke argumentuar se ai po favorizon presidentin serb Aleksandër Vuçiç, i cili është i njohur për qëndrimet e tij pro ruse.

Në raportin e miratuar nga Parlamenti Evropian, Eurodeputetët i kërkuan komisionit të BE-së të nisë një investigim të pavarur dhe të paanshëm për të parë nëse politika dhe sjellja e komisionerit të zgjerimit Oliver Varhelyi, është në kundërshtim me kodin e sjelljes se Komisionit dhe të BE.

Në raportin vjetor parlamenti shpreh shqetësimin për informacione që ngrenë dyshime se politikani hungarez përpiqet qëllimisht të anashkalojë dhe minojë reformat demokratike dhe sundimin e ligjit në vendet kandidate për anëtarësim në Bashkimin Evropian. Nisur nga kjo deputetet i kërkuan Komisionit Evropian që të nisë verifikimet.

Grupi i ligjvënësve bëri të ditur se Varhelyi vazhdimisht relativizon sulmet e presidentit serb Aleksandër Vuçiç ndaj demokracisë dhe mbështet veprimet separatiste të Milorad Dodik. Deputetët pohojnë gjithashtu se komisioneri po ndjek agjendën e Viktor Orban.

Roli i Komisionit Evropian sipas parlamentit, është të mbrojë integritetin territorial të Bosnje-Hercegovinës, të promovojë demokracinë në Serbi dhe të garantojë paqen dhe stabilitetin në Mal të Zi dhe Kosovë, e jo anasjelltas.

Sipas tyre, mbështetja e pozicioneve nacionaliste dhe separatiste të Dodikut jo vetëm që do të ishte kundër Kodit të Sjelljes për anëtarët e Komisionit Evropian, por do të ishte lojë me zjarrin.

Latest Posts

spot_imgspot_imgspot_imgspot_img

Don't Miss