Thursday, May 26, 2022
spot_imgspot_imgspot_imgspot_img

Latest Posts

Kovaçevski në Bruksel: Hapje urgjente e negociatave

Shkup, 11 maj – Për Maqedoninë e Veriut, me nënkryetarin e Komisionit Evropian, Zhosep Borrell, do të diskutojmë nevojën për hapje të menjëhershme të negociatave dhe mbajtjen e konferencës së parë ndërqeveritare ndërmjet BE-së dhe Maqedonisë së Veriut, sepse zgjerimi i BE-së nuk është vetëm proces politik, por në vrazhdën e zhvillimit të ri gjeopolitik, veçanërisht për shkak të luftës në Ukrainë, tashmë po bëhet çështje sigurie në rajonin e Ballkanit Perëndimor, theksoi kryeministri Dimitar Kovaçevski në Bruksel.

Para takimit me nënkryetarin e Komisionit Evropian dhe përfaqësuesin e Lartë të BE-së për Politikë të Jashtme dhe Siguri, Zhosep Borrell, ai theksoi rëndësinë e integrimit të Maqedonisë së Veriut dhe Ballkanit Perëndimor në Bashkimin Evropian.

“Është kënaqësi të jem këtu sonte me kolegët e mi dhe zëvendëspresidentin Borrell. Jemi duke u përballur me një situatë të paprecedentë në historinë e kontinentit tonë. Këto kushte na kanë detyruar të jemi të bashkuar si kurrë më parë dhe të harmonizojmë politikat tona. Sonte, ne po diskutojmë çështje urgjente me Zëvendës Presidentin Borrell dhe kolegë të tjerë, por edhe çështje që lidhen me afatin e mesëm dhe afatgjatë, çështjet që dalin nga kriza dhe roli ynë ndaj Rusisë dhe pushtimit të saj në Ukrainë”, tregoi Kovaçevski.

Kovaçevski shtoi se gjithashtu do të diskutohet për sigurinë energjetike, si dhe implikimet ekonomike dhe financiare të krizës për vendin tonë dhe rajonin.

“Përveç kësaj, ne do të diskutojmë mënyrat dhe aktivitetet që do të kryejmë së bashku për të forcuar dhe rritur mbështetjen e BE-së për rajonin e Ballkanit Perëndimor, si një rajon i ekspozuar ndaj krizës që lind nga lufta në Ukrainë”, theksoi Kovaçevski.

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.