Thursday, May 26, 2022
spot_imgspot_imgspot_imgspot_img

Latest Posts

MSH bën thirrje për vaksinim: Rreziku i komplikimeve të zemrës rritet pas infektimit me COVID-19

Ministria e Shëndetësisë (MSH), u ka bërë thirrje qytetarëve që të vaksinohen kundër coronavirusit në mënyrë që të mbrohen nga komplikimet.

Siç bëhet e ditur, një studim i Qendrës për Kontrollin dhe Parandalimin e Sëmundjeve (CDC-SHBA) ka gjetur se rreziku i komplikimeve të zemrës, si miokarditi (inflamacion i muskujve të zemrës), ishte më i lartë pas marrjes së infeksionit COVID-19 se sa pas marrjes së një ose më shumë dozave të vaksinave mRNA COVID-19 (Pfizer-BioNTech ose Moderna), te të dy gjinitë dhe te të gjitha moshat.

“Studimi ka gjetur se të rinjtë e moshës 12-17 vjeçe ishin 2-6 herë më shumë të rrezikuar për komplikime në zemër pas infeksionit me Covid -19 se sa pas vaksinimit, kurse personat e moshës 18-29 vjeç ishin 7-8 herë më të rrezikuar nga komplikimet në zemër pas infeksionit me COVID-19, se sa pas marrjes së vaksinës kundër COVID-19.Vaksinat ndihmojnë në mbrojtjen kundër COVID-19 dhe komplikimeve”, thuhet në apelin e MSH-së.

Tutje, thuhet se në Kosovë, të gjithë personat e moshës 12 vjeç e lart duhet të vaksinohen kundër coronavirusit dhe të kujdesen që ta kompletojnë vaksinimin, sepse “me kalimin e kohës bie imuniteti i fituar nga dozat paraprake të vaksinimit”.

Sipas të dhënave nga Instituti Kombëtar i Shëndetësisë Publike të Kosovës, që nga fillimi i procesit të vaksinimit, gjithsej janë administruar 1.824.555 doza të vaksinës. Deri më sot 821.432 qytetarë janë vaksinuar me dozën e dytë. Po ashtu, janë dhënë 100.902 doza përforcuese dhe doza të treta të vaksinës kundër COVID-19.

https://www.facebook.com/Ministria.Shendetesise.RKS/posts/297535255883630

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.