Shkup, 19 shtator – Drejtori i Agjencisë për Menaxhim të Pronës së Konfiskuar në Maqedoninë e Veriut, Driton Nebiu do ta kryesojë Rrjetin BAMIN (Rrjeti Ndërinstitucional Ballkanik për Menaxhimin e Pasurive të Përfituara në mënyrë të Paligjshme) në periudhën 2024 – 2025.
Lajmi është bërë i ditur përmes një postimi në facebook nga Nebiu.
“Kam kënaqësinë tju njoftoj se kam nderin si drejtor i Agjencionit për menaxhim të pronës të konfiskuar, të kryesoj Rrjetin BAMIN (Rrjeti Ndërinstitucional Ballkanik për Menaxhimin e Pasurive të Përfituara në mënyrë të Paligjshme) në periudhën 2024 – 2025, me nder të madh Republika e Maqedonisë së Veriut do ta mbajë kryesimin e Baminit në periudhën e caktuar dhe këtë vendim e morën sot në seancën e mbajtur të Bordit drejtues të rrjetit BAMIN. Ky paraqet një hap i madh përpara për vendin tonë në fushën e menaxhimit të pasurisë së sekuestruar dhe njëkohësisht në forcimin e kapaciteteve të hetimeve financiare dhe konfiskimit të pasurisë së fituar në mënyrë të paligjshme”, theksoi drejtori i Agjencisë për Menaxhim me Pronën e Konfiskuar, Driton Nebiu.
