Thursday, May 26, 2022
spot_imgspot_imgspot_imgspot_img

Latest Posts

Njeriu më i pasur i Ukrainës betohet se do rindërtojë Mariupolin e shkatërruar nga rusët

Njeriu më i pasur në Ukrainë, Rinat Akhmetov, është zotuar se do të rindërtojë qytetin e shkatërruar nga Rusia, Mariupolin. Perandoria e tij e biznesit ka pësuar goditje të njëpasnjëshme nga lufta 8-vjeçare në lindje të Ukrainës, por megjithatë ai mbetet besimplotë se ushtarët do të mbrojnë qytetin port në Detin Azov.

Kompania e tij, “Metinvest”, është prodhuesja më e madhe e çelikut në Ukrainë. Por për shkak të luftës ka deklaruar se nuk mund të plotësojë angazhimet e marra përmes kontratave të ndryshme të nënshkruara më parë. Akhmetov gjithashtu ka në pronësi një kompani tjetër financiare dhe industriale, “SCM Group”, dhe kompaninë private të prodhimit të energjisë, DTEK.

“Mariupoli është një tragjedi globale dhe një shembull heroizmi. Për mua, Mariupoli ka qenë dhe do të jetë gjithmonë një qytet ukrainas”, tha Akhmetov për Retuers. “Besoj se ushtarët tanë trima do ta mbrojnë qytetin edhe pse e kuptoj sa e vështirë është për ta”.

Sipas revistës Forbes, pasuria e Akhmetov në vitin 2013 ishte 15,4 miliardë dollarë. Ndërsa sot, ajo ka zbritur në nivelin e 3,9 miliardë dollarëve. “Kur nisi lufta në vitin 2014, humbëm të gjitha asetet tona në Krime dhe në rajonin e pushtuar të Donbasit. Humbëm bizneset, por kjo na bëri më të fortë. Kam besim se, si kompania më e madhe private në vend, SCM do të luajë rol kyç në rindërtimin e Ukrainës pas luftës”, tha ai.

Latest Posts

spot_imgspot_imgspot_imgspot_img

Don't Miss

Stay in touch

To be updated with all the latest news, offers and special announcements.