Shkup, 4 tetor – Fondi për inovacione dhe zhvillim teknologjik do t’i shpall kompanitë fituese nga thirrja publike “Grantet e bashkëfinancuara për zhvillim teknologjik dhe rritje të përshpejtuar ekonomike”.
Siç kumtuan nga Fondi për inovacione dhe zhvillim teknologjik, në ngjarjen që do të mbahet në auditorin e Rektoratit të Universitetit “Shën Cirili dhe Metodi”, fjalime do të mbajnë prof.dr. Biljana Angellova, rektore e Universitetit “Shën Cirili dhe Metodi”, prof. dr. Festim Halili, drejtori i Fondit për inovacione dhe zhvillim teknologjik, si dhe një përfaqësues nga Qeveria.
